\السلام عليكمـ
اليوم عندي صور حلوه لعشاق الفتك
انشاءالله تعجبكمـ
جاني خبر منه فؤادي تفطرا
استندر ٍ يزمط على النيساني
جية تويوتا يا الخوي يا معثرا
هندل وقيرة غرته بالثاني
منه اتلوم صاحبك لو هو برا
ترجع يمين اتعادلة يا فلاني
الناس تطور وانته لي ورا
جنك بصير وتتبع العمياني
فور بوينت فايف قوة موترا
والفتك فور بوينت إيت حصاني
محروي يا النيسان يوم ٍ تذكرا
كنه زعيك ويحكم الأوطاني
كل المواتر تتبع اللي يأمرا
وإلا السلق من الجاريات تعاني
وتخاف يحكمها بظلم ٍ وفترا
لكنه حكمه عدل ٍ وميزاني
هاتو سلق نيسان وانا بحضرا
وهاتو استندر وطيحوا الميداني
ونحنا بدو نقطع رمول ومقفرا
ما نركب اللي اكسله تعباني
يوم ٍ يغرز واجب انك تحفرا
وحاول يمين يسار بالسكاني
وإن طاح في قصيين حول بمبرا
ما صممه للسيح والودياني
وإلا الفتك يمشي كأنه عالثرى
سنقل يماري رووس هالسيتاني
في تل مرعب خال حكم وجوكرا
ما تمشي الباشه ولا الغلماني
يطير في العرقوب ويوم يظهرا
يفز فزات الذي باحساني
يوصل ولا يوصل معه استندرا
وعندي على هذا شهود اعياني
يوم ترشه اثنين نار ٍ قد ورا
ومن التواير غيمة الدخاني
خذ لك فتك يا خي وخل المصخرا
لا وارد امريكا ولا بريطاني
لا صممه شارون ويا هتلرا
وإللي انكتب معروف من العنوان
>>>>>>>>>>>>>>>>>>>>>>>>>>>>>
وها بعد اهداء للشجون
والسمووحه ع القصور
خويكم فتى